فاسٹ باولر میر حمزہ نے کہا کہ میری مہارت پیس نہیں بلکہ سوئنگ ہے
پاکستانی کرکٹ ٹیم کے فاسٹ بولر میر حمزہ کا کہنا ہے کہ وقت اور کلچر کی بات ہے اس وقت فاسٹ باولر کی صرف پیس دیکھی جارہی ہے میری اِسکل پیس نہیں بلکہ سوئنگ ہے ۔
ڈیلی دھرتی (ویب ڈیسک) کراچی کیمپ میں جیو سے گفتگو کرتے ہوئے پاکستان شاہینز ٹیم کے فاسٹ باولر میر حمزہ نے کہا ہے کہ میں صرف اپنی پیس پر توجہ دیتا ہوں اور اپنے سوئنگ کے ہنر کو کھونا نہیں چاہتا۔ ان کا کہنا تھا کہ احسان اللہ اور حارث روف کی اِسکل پیس ہے ، میرا تیز رفتار بولرز سے موازنہ نہیں کیا جاسکتا۔
میر حمزہ نے کہا کہ پاکستان کے پاس اس وقت بے شمار فاسٹ بولرز ہیں جو کہ ایک خوش آئند بات ہے، اب ہر فاسٹ بولر کو زیادہ محنت کے ساتھ ساتھ اپنی فٹنس پر بھی خاص توجہ دینا ہوگی، فاسٹ بولرز کے درمیان مقابلے کی فضا قائم ہو جانے سے پاکستان کو ہی فائدہ ہوگا۔
انہوں نے کہا کہ ہر فاسٹ بولر کی اپنی اِسکل ہوتی ہے، میری اِسکل سوئنگ اور سیم ہے، مجھے سوئنگ پر مکمل عبور ہے، احسان اللّٰہ اور حارث رؤف کے پاس پیس ہے جس کی وجہ سے ان کا ان سے کوئی موازنہ نہیں۔
میر حمزہ نے کہا کہ پیس کے ساتھ ساتھ سوئنگ بھی ہو تو وہ بولر زیادہ کارآمد ہوتا ہے، اپنی پیس پر زیادہ فوکس نہیں کرتا کیونکہ کہیں ایسا نہ ہو کہ پیس کے لیے میں سوئنگ کا ہنر بھی بھول جاؤں۔