ویب ڈیسک
ڈیلی دھرتی (ویب ڈیسک) تفصیلات کے مطابق کبھی کبھی روز مرہ کے کاموں کے دوران ایسا عجیب واقعہ پیش آ جاتا ہے کہ لوگ دہشت زدہ ہو جاتے ہیں، ایسا ہی اس وقت ہوا جب ایک شخص پھول گوبھی لے کر آیا اور پکانے کے لیے اسے کاٹا گیا، تو اس میں سے سانپ نکل آیا۔
سوشل میڈیا پر ایک ویڈیو سامنے آئی ہے جس میں ایک گوبھی کے اندر سانپ چھپا بیٹھا دکھایا گیا ہے، جب گوبھی پکانے کے لیے کاٹا گیا تو اس میں سے سانپ نکلتا دیکھ کر گھر والوں کی چیخیں نکل گئیں۔
کہا جاتا ہے کہ مون سون کے موسم میں سبزیوں کا اچھی طرح معائنہ کر کے خریداری کی جائے کیوں کہ ان میں کوئی ’ناپسندیدہ مہمان‘ بھی چھپا ہو سکتا ہے۔
سبزی منڈی سے خریدے گئے گوبھی میں سے سانپ نکلنے کی یہ ویڈیو انٹرنیٹ پر جنگل کی آگ کی طرح وائرل ہو گئی۔ یہ ویڈیو دیویندر سینی نامی صارف نے ایکس (سابقہ ٹوئٹر) پر اس کیپشن کے ساتھ شیئر کی ہے ’یہ کس قسم کا گوبھی ہے؟ کوبرا گوبھی یا وائپر گوبھی۔
Which type of a Cauliflower is this?🙄🙄
Cobra Cauliflower or Viper Cauliflower 🤔🤔#snake #CobraKai #Viper #vegetables pic.twitter.com/RyuFE85tYv— Devendra Saini (@dks6720) August 4, 2023
اس ویڈیو کلپ نے سوشل میڈیا صارفین کو سبزیوں کے حوالے سے خوف زدہ کر دیا ہے کہ انھیں سبزی خریدتے ہوئے احتیاط ضرور کرنی چاہیے، ورنہ کوئی خطرناک واقعہ بھی رونما ہو سکتا ہے۔
واضح رہے کہ یہ کوئی پہلا واقعہ نہیں ہے، برطانیہ کے ویسٹ مڈلینڈز میں ایک اسٹور سے خریدے گئے گوبھی میں سے بھی زندہ سانپ نکل آیا تھا۔ 63 سالہ شخص نیویل لنٹن نے سانپ کو اس وقت دیکھا تھا جب انھوں نے گوبھی فریج سے پکانے کے لیے نکالا۔
