ویب ڈیسک
ڈیلی دھرتی (ویب ڈیسک) تفصیلات کے مطابق جسٹس شاہد کریم نے شیخ رشید کی درخواست پر سماعت کی،لاہور ہائیکورٹ نےوفاق،گورنرپنجاب ودیگرفریقین کونوٹس جاری کرتے ہوئے آئندہ ہفتےجواب طلب کرلیا۔
عدالت نے استفسار کیا کہ اگر 90روز میں الیکشن نہیں ہوتے تو نگراں حکومت کا مستقبل کیا ہوگا؟
وکیل اظہر صدیق نے کہا کہ اگر 90روز میں الیکشن نہیں ہوتے تو نگراں حکومت از خود ختم ہو جائے گی اور پرویز الہٰی بطور چیف منسٹر دوبارہ بحال ہوجائیں گے۔
دوران سماعت اسسٹنٹ ایڈوکیٹ جنرل نے درخواست پر اعتراض کیا۔جسٹس شاہد کریم نے پنجاب حکومت کے وکیل سے استفسار کیا کہ آپ کون ہیں؟
اسسٹنٹ ایڈوکیٹ جنرل نے جواب دیا کہ میں پنجاب حکومت کا نمائندہ ہوں اور جسٹس رضا قریشی اسی نوعیت کی درخواست کو خارج کر چکے ہیں۔
جسٹس شاہد کریم نے ریمارکس دیے کہ عدالت نگراں حکومت کو نوٹس نہیں کر رہی اور عدالت اس معاملے کو آئینی طور پر دیکھ رہی ہے۔
درخواست گزاروں کا مؤقف ہے کہ پنجاب کی نگران حکومت 90 روز کی آئینی مدت پوری کرچکی ہے، عدالت نگران پنجاب حکومت کو کام سے روکنے کا حکم دے۔
وکیل درخواستگزار کا کہنا تھا کہ 90روزبعدنگران وزیراعلیٰ اپنےآفس میں مزیدکام نہیں کرسکتا،90روزگزرنےکےباوجودپنجاب کی نگران حکومت کام کررہی ہے۔
درخواستگزار نے استدعا کی کہ عدالت 90روزکےبعدنگران حکومت کےاختیارات ختم کرنے کاحکم دے ۔
