ویب ڈیسک
ڈیلی دھرتی (ویب ڈیسک) تفصیلات کے مطابق عوامی مسلم لیگ کے سربراہ شیخ رشید کو جسمانی ريمانڈ پورا ہونے پر اسلام آباد کی ماتحت عدالت میں پيش کر ديا گيا
کیس کی سماعت جوڈیشل مجسٹریٹ عمر شبیر نے کی
عدالت نے تفتیشی افسر سے استفسار کیا کہ بتائیں دو دن میں کیا کیا ہے
جواب میں تفیتیشی افسر نے عدالت کو بتایا کہ ملزم کی آواز (وائس) میچنگ ٹیسٹ کروا لیا گیا ہے، ابھی فوٹو گرامیٹک ٹیسٹ کروانا ہے۔
اس موقع پر شیخ رشید کے وکیل عبد الرازق نے عدالت میں مؤقف پیش کیا کہ دو دن پہلے اسی کیس میں تفتیش کيلئے 2 دن کا ریمانڈ دیا تھا، یہ مقدمہ سیاسی بنیادوں پر بنایا گیا ہے،
شيخ رشيد نے عدالت سے استدعا کرتے ہوئے کہا کہ میرے ہاتھوں اور پاؤں پر زخم ہے، مجھے اسپتال بھیجا جائے اور رینجرز کی سیکیورٹی چائیے تفتیشی سے پوچھیں کہ مجھے 6 گھنٹے کس کے حوالے کیا گیا، میرے پاس دو موبائل لائے گئے اور پاسورڈ کا پوچھا گيا، کل چار دفعہ میری ریکارڈنگ کی گئی ہے
شیخ رشید کے وکیل نے عدالت کو کہا کہ انکی عمر 73 سال ہے اور ان پر تشدد کیا گیا، ایس ایچ او کو کس نے حکم دیا شیخ رشید پر تشدد کرے، قانون ملزم پر تشدد کی اجازت نہیں دیتا۔بنیادی حقوق سلب کئے جا رہے ہیں، مقدمہ ميں جو دفعات لگائی گئی ہیں وہ بنتی ہی نہیں ہیں، راولپنڈی تھانہ صادق آباد میں بھی درخواست دے دی گئی ہے، لسبیلہ میں ایف آئی آر درج ہو چکی ہے، سیاسی بنیادوں میں مقدمات درج کئے جا رہے ہیں۔شیخ رشید اپنے بیان پر قائم ہیں تو فوٹوگرامیٹک ٹیسٹ کی ضرورت نہیں، جسمانی ریمانڈ کی ضرورت نہیں،کیس سے ڈسچارج کیا جائے۔
شیخ رشید کے وکیل انتظار پنجوتھہ نے عدالت میں کہا کہ اسلام آباد ہائی کورٹ نے پولیس کے نوٹس کو معطل کیا، ہائی کورٹ ميں توہین عدالت کی درخواست دائر کی گئی، عدالت نے فریقین کو سوموار کيلئے نوٹس جاری کر دیئے ہیں، جب معاملہ ہائی کورٹ میں ہے تو ریمانڈ نہیں دیا جا سکتا۔
عدالت نے شیخ رشید کے وکیل کو ٹرانسکرپٹ پڑھنے کی ہدایت کی ہے
شیخ رشید نے عدالت کو بتایا کہ عمران خان کی سیاسی مہم چلاؤ گے؟ میں نے کہا، ہاں چلاؤں گا، پولیس میں اے ایس آئی تک تمام عمران خان کے ساتھ ہیں مجھ سے پوچھا گیا کہ ایک دن میں 8 ملین فالوورز کیسے ہو گئے، میں عوام کو کہوں گا ٹوئٹر پر میرے فالوورز دگنے کر دیں۔جس طرح پولیس نے رکھا اس سے بہتر ہے مجھے موت کی سزا سنا دیں
