ویب ڈیسک
پاکستان تحریک انصاف کی رہنما زرتاج گل کا کہنا ہے کہ ہم بھی خوبصورت ہواکرتے تھے، سیاست نے بیڑا غرق کردیا ہے۔
زرتاج گل کے شوہر ہمایوں خان کے ہمراہ ایک نجی چینل کو دیئے گئے انٹرویو کے کلپس سوشل میڈیا پر وائرل ہیں۔
دورا ن انٹرویو زرتاج گل جہاں شوہر کی تعریفیں کرتے نظر آئیں وہیں شوہر سے شکوہ بھی کیا کہ انہوں نے مجھے کبھی تحفہ نہیں دیا ہے، نہ جانےکن خواتین کو تحفے دیتے ہیں۔
خوبصورتی سے متعلق بات کرتے ہوئے زرتاج گل کا کہنا تھا کہ سیاست نے بیڑا غرق کردیا ہے، ہم بھی کسی زمانے میں خوبصورت ہوا کرتے تھے، شروع میں خواہش تھی کہ شوہر تعریف کریں لیکن انہوں نے شروع سے اوقات میں رکھا زیادہ تعریف نہیں کی۔
زرتاج گل کا انٹرویو میں کہنا تھا کہ شیخ رشید نے ایک بار مجھے جلسے میں تقریر کرتے دیکھ کر کہا تھا کہ اگر آپ جیسی خواتین محنت کریں تو وہ خواتین حکومت کرتی ہیں۔
دوسری جانب ان کے شوہر ہمایوں خان نے کہا کہ اگر لڑائی ہوجائے تو پہل میں ہی کرتا ہوں۔
جب زرتاج گل سے پارٹی میں اسمارٹ لیڈر کاسوال پوچھا گیا تو ان کا کہنا تھا کہ میرے نزدیک پارٹی میں کرشماتی شخصیت کے مالک عمران خان ہی ہیں اور وہ میرے شوہر کو بہت پسند کرتے ہیں، شاہ محمود بھی بہت اسمارٹ ہیں جب کہ جہانگیر ترین کو سچ میں بہت سراہتی ہوں۔
