ویب ڈیسک
قومی اسمبلی کے حلقہ این اے 198 راجن پور میں ووٹوں کی گنتی شروع ہو گئی ہے اور پاکستان تحریک انصاف (پی ٹی آئی) کے امیدوار محسن لغاری نے 105 پولنگ سٹیشنز سے ابتدائی طور پر غیر حتمی غیر حتمی نتائج حاصل کرتے ہوئے برتری حاصل کر لی ہے۔
24 نیوز ایچ ڈی ٹی وی چینل کے مطابق پی ٹی آئی کے لغاری 37,532 ووٹ لے کر آگے رہے جبکہ نواز لیگ کے عمار احمد خان لغاری کو 21,092 ووٹ ملے۔
پاکستان پیپلز پارٹی (پی پی پی) کے امیدوار اختر حسین گورچانی نے 7,948 ووٹ حاصل کیے اور تحریک لبیک پاکستان (ٹی ایل پی) کے امیدوار محمود خان نے صرف 2,034 ووٹ حاصل کیے۔
قومی اسمبلی کے حلقہ این اے 193 راجن پور میں ضمنی انتخاب کے لیے پولنگ کا وقت ختم ہونے کے بعد ووٹوں کی گنتی شروع کردی گئی۔
الیکشن کمیشن آف پاکستان کی جانب سے اس حلقے میں ووٹ ڈالنے کے لیے 237 پولنگ اسٹیشنز بنائے گئے ہیں۔
حلقے میں رجسٹرڈ ووٹرز کی تعداد 3,79,204 ہے جس میں مرد ووٹرز 2,06,495 جبکہ خواتین ووٹرز کی تعداد 1,72,709 ہے۔
الیکشن میں مسلم لیگ ن کے عمار اویس لغاری، پیپلز پارٹی کے اختر حسن گورچانی اور پی ٹی آئی کے محسن لغاری سمیت 11 امیدواروں کے درمیان مقابلہ ہے۔
حساس پولنگ سٹیشنز کی ای سی پی اور قانون نافذ کرنے والے ادارے سی سی ٹی وی کیمروں اور دیگر جدید آلات سے نگرانی کر رہے ہیں۔
ضمنی انتخاب میں ناخوشگوار واقعے سے نمٹنے کے لیے پولیس، ایلیٹ فورس، رینجرز اور فوج کی خدمات طلب کر لی گئی ہیں۔
