ویب ڈیسک
پاکستان میں سیلاب کی تباہ کاریوں پر بہت افسوس ہے، سیلاب متاثرین کے لیے ہم نے بہت زیادہ فنڈز دیے ہیں اور آگے بھی دیں گے، یہ انسانی حقوق کا مسئلہ ہے،
لاہور(ویب ڈیسک) امریکی سفیر ڈونلڈ بلوم نے کہا ہے کہا پاکستان آکر بہت اچھا لگا سیلاب کی تباہ کاریوں پر بہت افسوس ہوا، صرف مالی مدد نہیں بلکہ سیلاب متاثرین کیبحالی کے لیے مختلف اور شعبوں میں بھی کام کریں گے۔۔
انہوں نے کہا کہ پاکستان میں سیلاب کی تباہ کاریوں پر بہت افسوس ہے، سیلاب متاثرین کے لیے ہم نے بہت زیادہ فنڈز دیے ہیں اور آگے بھی دیں گے، یہ انسانی حقوق کا مسئلہ ہے، اقوام متحدہ کی اپیل پر پاکستان کی مزید مدد کریں گے، صرف مالی مدد نہیں بلکہ سیلاب متاثرین کی بحالی کے لئےمختلف اور شعبوں میں بھی کام کریں گے۔
پاکستان اور امریکا کے درمیان سفارتی تعلقات کے 75 سال مکمل ہوچکے ہیں، امریکا میں ایکس چینج پروگرام کے ذریعے طالب علم اعلیٰ تعلیم حاصل کر رہے ہیں، امریکا نے2005ء اور2010ء میں بھی پاکستان کی مدد کی تھی۔
ڈونلڈ بلوم نے کہا کہ سیلاب متاثرین کی بحالی ایک مشکل اور چیلنجنگ کام ہے، امریکا اور پاکستان کے درمیان باہمی تعلقات بہت زیادہ مضبوط ہیں، دونوں ممالک میں تعلقات کی مزید بہتری کے لیے مزید کام کریں گے۔
امریکی سفیر ڈونلڈ بلوم نے کہا کہ مجھے پاکستان آکر بہت اچھا لگا، آج میں نے مسجد وزیر خان کا دورہ کیا یہ تاریخی مذہبی مقام ہے، تاجر برادری اور سول سوسائٹی سے بھی میری ملاقات ہوئی ہے، پنجاب ایک متحرک اور تنوع والا صوبہ ہے۔
