ویب ڈیسک
ڈیلی دھرتی ( ویب ڈٰسک ) عالمی سطح پر بھارت کو اس وقت بڑی سفارتی ناکامی کا سامنا کرنا پڑا جب کینیڈا میں خالصتان ریفرنڈم رکوانے کی تمام کاوشیں رائیگاں چلی گئیں۔
کینیڈا میں سکھ کمیونٹی خالصتان کی حمایت میں ریفرنڈم میں حق رائے دہی استعمال کرنے بڑی تعداد میں سڑکوں پر نکل آئی، ووٹ ڈالنے کے لیے 5 کلو میٹر طویل قطار لگ گئی، سکھوں نے ووٹ ڈال کر بھارت سے اپنی نفرت کا اظہار کیا۔
ریفرنڈم میں ایک لاکھ 10 ہزار سے زائد سکھوں نے حق رائے دہی استعمال کیا جب کہ ووٹنگ کا وقت ختم ہونے کے سبب قطار میں لگے ہزاروں سکھ ووٹ نہ ڈال سکے۔
خالصتان ریفرنڈم کے شرکا نے اقوام متحدہ سے آزادی دلانے کے لیے کردار ادا کرنے کا مطالبہ بھی کیا۔
110,000+ #Sikhs In Toronto Voted In Khalistan Referendum 18 Sept. Thousands Still Waiting in Lines to Vote but Gates are Closed Now. @SikhPA @TimUppal @ashoswai pic.twitter.com/QeKk4GWhcl
— Jagdeep Singh (@JagdeepSingh_NY) September 18, 2022
رہنما سکھ فار جسٹس گرپتونت سنگھ نے کہاکہ سکھوں کی اتنی بڑی تعداد کا ریفرنڈم میں حصہ لینے سے بھارت کو سکھوں کی سوچ کا اندازہ ہو جانا چاہیے۔
خیال رہے کہ خالصتان پر ریفرنڈم کا آغاز گزشتہ برس 31 اکتوبر کو لندن سے ہوا تھا جس کے بعد برطانیہ کے مختلف شہروں کے ساتھ ساتھ سوئٹزرلینڈ اور اٹلی میں بھی ووٹنگ کرائی گئی۔
ریفرنڈم میں اب تک بیرونِ ملک مقیم ساڑھے 4 لاکھ سے زائد سکھ حصہ لے چکے ہیں۔
