ڈیلی دھرتی (ویب ڈیسک )تفصیلات کے مطابق پاکستان تحریک انصاف کا حقیقی آزادی مارچ گزشتہ روز دینہ میں اختتام پزیر ہونے کے بعد آج نویں روزگوجرخان پہنچ رہا ہے۔
ترجمان وزیراعلیٰ و پنجاب حکومت مسرت جمشید چیمہ نے ٹویٹ میں بتایا کہ حقیقی آزادی مارچ کا قافلہ آج گوجر خان پہنچ رہا ہے، جہاں کی عوام سہہ پہر3 بجے نائب چیئرمین پی ٹی آئی شاہ محمود قریشی کا بھرپور استقبال کرے گی۔
حقیقی آزادی مارچ کے سلسلے میں آج دوپہر 3 بجے شاہ محمود قریشی صاحب گوجر خان پہنچیں گے.
وائس چیئرمین 4:15 بجے عوامی اجتماع سے خطاب کریں گے. چئیرمین پاکستان تحریک انصاف عمران خان کا خطاب 4:30 ہوگا.انشاءاللہ ہر شہر کی طرح گوجر خان بھی حقیقی آزادی مارچ میں بھرپور شرکت کرے گا.
— Musarrat Cheema (@MusarratCheema) November 18, 2022
مسرت جمشید نے لکھا کہ شاہ محمود قریشی 4 بجکر 15 منٹ پر اورچیئرمین پی ٹی آئی عمران خان شام 4 بجکر30 منٹ پرعوامی اجتماع سے بذریعہ ویڈیو لنک خطاب کریں گے۔
ترجمان پنجاب حکومت کے مطابق راولپنڈی کے مقام سے پہلے ہی عوام کا سمندر حقیقی آزادی مارچ کا حصہ بن رہا ہے، جعلی اور امپورٹڈ حکومت کے بیانیے سے ہوا نکلنا شروع ہو گئی ہے۔
انہوں نے کہاکہ چیئرمین پی ٹی آئی عمران خان کا بیانیہ عوام کے دلوں میں گھر کر چکا ہے اور مریم کے چچا اور پاپا کی بیماریوں کا موسم پھر سے شروع ہوچکا ہے۔
گزشتہ روزدینہ میں کارکنوں سے بذریعہ ویڈیو لنک خطاب میں عمران خان نے مارچ کیلئے عطیات کی اپیل کی تھی۔
چیئرمین پی ٹی آئی کا کہنا تھا کہ کوئی بھی تحریک عطیات اور پیسے کے بغیر کامیاب نہیں ہوتی، حقیقی آزادی مارچ کو آپ کے ڈونیشنز کی ضرورت ہے، اسی لئے زیادہ سے زیادہ ڈونیشنز دے کر ہماری تحریک کو کامیاب کریں۔