ایمازون کیا ہے ؟ ایمازون پر کاروبار کیسے کریں اور ایمازون سے پیسے کمانے کا طریقہ ( ایمازون کورس )

ویب ڈیسک

ایمازون کیا ہے ؟ ایمازون پر کاروبار کیسے کریں اور ایمازون سے پیسے کمانے کا طریقہ ( ایمازون کورس )

پاکستان کیا دُنیا بھر میں ایمازون کے چرچے ہیں انٹرنیٹ استعمال کرنے والے تقریباً زیادہ تر لوگوں نے ایمازون کے بارے میں سُن رکھا ہے کہ ایمازون کیا ہے ، ایمازون پر کاروبار کیسے کرتے ہیں ، ایمازون سے پیسے کمانے کا طریقہ اس طرح سے زیادہ تر لوگ تو ایمازون کے بارے میں تھوڑا بہت جانتے ہیں لیکن اگر آپ ایمازون کے بارے میں پوری طرح نہیں جانتے اور جاننا چاہتے ہیں تو آج کا یہ آرٹیکل مکمل پڑھیے گا آپ کو اس کے ذریعے کافی کچھ سیکھنے کو ملے گا اور آپ ایمازون پر کاروبار کرنے کا طریقہ اور ایمازون سے پیسے کمانے کا طریقہ بھی جان جائیں گے ۔

ایمازون کیا ہے ؟

ایمازون کیا ہے ؟ اس سوال کا جواب آپ کو بہت ہی آسان الفاظ میں دیتے ہیں تاکہ آپ کو آسانی کیساتھ سمجھ آ سکے ۔ سب سے پہلے تو آپ لوگ اس بات کا جواب دیں کہ آپ نے اپنی زندگی میں کبھی کوئی بڑا شاپنگ مال دیکھا ہے کبھی شاپنگ مال میں گھومنے گئے ہوں یا پھر شاپنگ کرنے گئے ہوں ؟ کمنٹ میں جاکر ضرور جواب دیجئے گا ۔

چلیں مان لیتے ہیں کہ آپ نے شاپنگ مال دیکھا ہے (مثال کے طور پر ایمپوریم مال) تو آپ نے یہ بھی دیکھا ہوگا کہ شاپنگ مالز میں ہر طرح کے برانڈ کی آوٹ لٹ یعنی فرنچائز یا پھر شاپ کہہ لیں ضرور ہوتی ہے یعنی ملٹی برانڈز ایک ہی شاپنگ مال میں موجود ہیں جو کہ اپنا کاروبار کر رہے ہیں لوگ وہاں پر آتےہیں اور اپنی ضرورت کی اشیاء کی خریدوفروخت کرتے ہیں ۔

ایمازون ایک آن لائن ای کامرس سٹور ہے جہاں پر پوری دُنیا سے لوگ خریدوفروخت کیلئے آتے ہیں ۔ ایمازون ملٹی وینڈرز آن لائن سٹور ہے یعنی کہ ایمازون پر کوئی اکیلا بندہ یعنی سیلر پروڈکٹس سیل نہیں کر رہا بلکہ پوری دُنیا سے لوگ ایمازون پر کاروبار کررہے ہیں ۔

ایمازون پر دونوں طرح کے لوگ موجود ہیں یعنی کے پروڈکٹس خریدنے والے لوگ بھی موجود ہیں اور پروڈکٹس سیل کرنے والے بھی موجودہیں ۔

جیسے کہ میں نے اوپر آپ لوگوں کو شاپنگ مال کی مثال دی ہے ایسے ہی ایمازون کو بھی آپ پوری دُنیا کا آن لائن ایک ہی شاپنگ مال سمجھ سکتے ہیں اس شاپنگ مال میں دُنیا بھر سے لوگ آتے ہیں اور اپنا ایمازون پر کاروبار کیلئے ایمازون سیلر اکاونٹ بناتے ہیں اور پھر ایمازون پر گھر بیٹھے آن لائن کاروبار کرتے ہیں ۔

ایمازون پر کاروبار کیسے کریں ؟

ایمازون پر کاروبار کرنے کیلئے سب سے پہلے آپ کو سمجھنا ہوگا کہ ایمازون پر کام کیسے کیا جاتا ہے یعنی ایمازون پر پروڈکٹس کون کون سی سیل ہوتی ہیں یا ہم کر سکتے ہیں سب کچھ سمجھنے کے بعد ہی آپ ایمازون پر کاروبار کریں کیونکہ اگر آپ ریسرچ کیے بغیر ہی ایمازون پر کاروبار کرنے نکل پڑتے ہیں تو بغیر سوچے سمجھے کام کرنے سے آپ کو نقصان بھی ہوسکتا ہے اس لئے ضروری ہے کہ پہلے ایمازون پر کاروبار کے بارے میں کسی تجربہ کار شخص سے سیکھ لیں ۔

ایمازون پر کاروبار کرنے کے مختلف ماڈل موجود ہیں لیکن ان میں سے جو زیادہ تر لوگوں میں مشہور ہے اور زیادہ تر لوگ جس ایمازون کاروبار کے بارے میں جانتے ہیں وہ ایمازون سیلر ہے یعنی ایمازون پر اپنی خود کی پروڈکٹس کو سیل کرنا اور ایمازون سے پیسے کمانا ہے ۔ اس کے علاوہ ایمازون سے پیسے کمانے کے اور بھی مختلف طریقے موجود ہیں جیسے کہ آپ ایمازون پر اپنی کوئی ڈیجیٹل پروڈکٹس بھی سیل کرنے پر لگا سکتے ہیں ۔ ایمازون ایف بی اے ، ایمازون ڈراپ شپنگ سے پیسے کمانے کا طریقہ بھی موجود ہے ، ایسے ہی ایمازون ایفلیئیٹ مارکیٹنگ سے پیسے کمانے کا طریقہ بھی موجود ہے یعنی کہ آپ ایمازون کے ذریعے مختلف طریقوں سے پیسے کما سکتے ہیں ۔

ایمازون ایف بی اے کیا ہوتا ہے ؟

ایمازون ایف بی اے سے مُراد فُل فِلڈ بائے ایمازون ہے اس سے مراد یہ ہوتا ہے کہ اگر آپ ایمازون ایف بی اے پروگرام جوائن کرتے ہیں تو آپ اپنی پروڈکٹس ایمازون کے ویئر ہاوس میں رکھوا دیتے ہیں اور جب بھی آپ کو کوئی آرڈر آتا ہے تو ایمازون کا عملہ خود ہی اس آرڈر کو پیک کرے گا اور آپ کے کسٹمر تک پہنچائے گا یعنی کہ آپ ایمازون ایف بی اے پروگرام جوائن کرکے اپنی پروڈکٹس کا سٹاک ایمازون کے ویئر ہاوس میں رکھوائیں گے اور باقی کا سارا کام ایمازون خود ہی سنبھالتا ہے اسی کو بولتے ہیں ایمازون ایف بی اے ۔

ایمازون پر کاروبار کرنے کیلئے سیلر اکاونٹ کیسے بناتے ہیں ؟

ایمازون پر کاروبار کرنے کیلئے آپ لوگوں کو کافی چیزوں کی ضرورت ہوتی ہے اور اکاونٹ کیسے بناتے ہیں اس کیلئے یہاں پر تو آپ کو سمجھ نہیں لگے گی کیونکہ وہ کام پریکٹیکل ہی سمجھنے سے آئے گا آپ ایسا کریں کہ یوٹیوب پر جائیں اور وہاں پر نیچے درج ذیل کچھ کیورڈ سرچ کریں آپ کو ایمازون پر کاروبار کرنے کیلئے سیلر اکاونٹ بنانے پر مکمل ایمازون کورس مل جائے گا۔

ایمازون کورس

ناظرین اگر آپ گھر بیٹھے پیسے کمانا چاہتے ہیں اور آن لائن ارننگ کرنا چاہتے ہیں تو اس کیلئے اپنی زندگی میں سے کچھ وقت یوٹیوب پر فری میں سیکھنے پر ضرور لگائیں اور یوٹیوب سے فری ایمازون کورس سیکھنے کے بعد آپ گھر بیٹھے آن لائن کاروبار کرسکتے ہیں ۔

amazon seller course
amazon seller course full in hindi
how to create amazon seller account in pakistan
how to create amazon seller center account in Pakistan
amazon seller center full course
how to join amazon seller center tutorial
amazon full course in pakistan
amazon full course 2023

یہ کچھ کیورڈز آپ لوگوں کیساتھ شیئر کردیئے ہیں ان کو یوٹیوب کے سرچ بار میں جاکر سرچ کریں تو آپ کو کافی کچھ سیکھنے کو ملے گا اور اگر آپ ان کورسز کو توجہ کیساتھ سمجھتے ہیں اور دیکھ کر سیکھتے ہیں تو آپ بھی گھر بیٹھے پیسے کما سکتے ہیں اور آپ کا ایمازون سے پیسے کمانے کا اور آن لائن ارننگ کا خواب سچ میں پورا ہوجائے گا۔

ایمازون ڈراپ شپنگ

ایمازون ڈراپ شپنگ سے بھی اچھی خاصی کمائی کی جاسکتی ہے۔ڈراپ شپنگ یہ ہے کہ ایمازون ویب سائٹ پر اسٹور بنایا جائےاور جو اشیاء آپ بیچنا چاہتے ہیں وہ اگر چہ آپ کے پاس نہیں ہیں، لیکن وہ کہیں سے خرید کرایمازون کو ارسال کردی جاتی ہیں، اور اپنے دام لگا کر اس کو آگے بیچا جاتا ہے۔

ایمازون ورچوئل اسسٹنٹ

ایمازون ورچوئل اسسٹنٹ سادہ سے الفاظ میں آپ یہ سمجھیں کہ ورچوئل اسسٹنٹ سیلر کا اسٹور مینج کرتا ہے۔ اس کی پروڈکٹ اور آنے والے آرڈر کو پراسیس کرتا ہے۔ پروڈکٹ کے اسٹاک کا حساب کتاب رکھتا ہے۔

اس سے بھی آپ ماہانہ اچھی خاصی کمائی کرسکتے ہیں اگر آپ ایک سٹور مینج کرتے ہیں تو آسانی سے ماہانہ تین سے چار سو ڈالر کما سکتےہیں۔

ایمازون پر کام کرنے کے لئےآپ کو کسی خاص تعلیمی قابلیت کی ضرورت نہیں،تھوڑی بہت انگلش آنا ضروری ہے اور کمپیوٹر جاننا لازمی ہے۔

ایمازون ایفیلئیٹ مارکیٹنگ سے پیسے کمانا

ایمازون سے پیسے کمانے کا یہ طریقہ انتہائی آسان ہے اس میں سب سے بڑی بات تو یہ ہے کہ آپ بغیر انویسٹمنٹ کے ایمازون کے ساتھ کام کرکے گھر بیٹھے ماہانہ لاکھوں روپے کما سکتے ہیں ۔

ایفیلئیٹ مارکیٹنگ سے مراد یہ ہوتا ہے کہ آپ ایمازون کیساتھ کمیشن پر کام کرتے ہیں یعنی کہ ایمازون پر موجود سیلرز کی پروڈکٹس کو آپ اپنے ریفرنس یعنی اپنی آئیڈئینس کے ساتھ پروموٹ کرتے ہیں اور اس کے بدلے آپ کو کمائی ہوتی ہے ایمازون کا ایفلئیٹ مارکیٹنگ کا کمیشن 1 سے 20 فیصد تک ہوتا ہے مختلف پروڈکٹس پر مختلف کمیشن دیا جاتا ہے ۔

آپ نے ایمازون پر ایمازون ایفیلئیٹ پروگرام جوائن کرنا ہے اپنا اکاونٹ بنانے کے بعد آپ وہاں سے پروڈکٹس سلیکٹ کریں گے اور اُن کے وہاں سے ایفیلئیٹ لنکس نکال کر آپ مکمل سوشل میڈیا ویب سائیٹس پر پروموٹ کرکے وہاں سے سیل جنریٹ ہونے پر آپ کو کمیشن ملتا ہے ۔

ایمازون کے ڈی پی (کِنڈل ) سے پیسے کمانا

ایمازون پرکاروبار کرنے کے مختلف ماڈل ہیں جیسا کہ اوپر ہم نے مختلف ایمازون کے کاروباری طریقوں کے بارے میں بات کرلی ہے ایمازون پر ایک اور ماڈل موجود ہے جس کو ایمازون کے ڈی پی کہتے ہیں یعنی ایمازون کِنڈل اس میں لوگ اپنی پی ڈی ایف بُکس پبلش کرتے ہیں اور آن لائن ای بکس سیل کرکے اس کے ذریعے ایمازون سے آن لائن ارننگ کرتے ہیں اور گھر بیٹھے ڈالرز کماتے ہیں ۔

ایمازون کے ڈی پی پر آپ اپنی خود کی لکھی ہوئی کتاب کو پی ڈی ایف فارمیٹ میں پبلش کرتے ہیں اور اس کو یہاں پر سیل کرکے آن لائن ارننگ کرتے ہیں ۔

ایمازون پاکستان

اکثر لوگوں کو یہ سوال بھی ہوتا ہے کہ ایمازون پر کاروبار پاکستان میں رہتے ہوئے کر سکتے ہیں ؟ تو جناب ایمازون پر کاروبار بے شمار پاکستانی کررہے ہیں اور پاکستان سے گھر بیٹھے ماہانہ لاکھوں روپے کما رہے ہیں اس میں ایمازون کے مختلف کاروبار ہیں کچھ لوگ ایمازون ایف بی اے کا کاروبار کررہے ہیں ، کچھ ایمازون پر پرائیویٹ لیبل کا کاروبار کررہے ہیں ، کچھ لوگ ایمازون ایفیلئیٹ مارکیٹنگ کررہے ہیں ، کچھ لوگ ایمازون ورچوئل اسسٹنٹ کی سروس فراہم کرکے ایمازون سے پیسے کما رہے ہیں ، ایسے ہی کچھ لوگ ایمازون ڈراپ شپنگ ، کا کاروبار کررہے ہیں ۔

یہ مت سوچیں کہ آپ تو ایمازون پر کاروبار نہیں کرسکتے کیونکہ آپ کے پاس انویسٹمنٹ نہیں ہے تو اس کیلئے پریشان ہونے کی ضرورت نہیں ہے آپ ایمازون ورچوئل اسسٹنٹ بن کر دوسرے لوگوں کو اُن کے سٹور مینج کرکے دینے کی سروس فراہم کرسکتے ہیں ، آپ بغیر انویسٹمنٹ ایمازون پر کاروبار کیلئے ایمازون ایفیلئیٹ مارکیٹنگ یا پھر ایمازون ڈراپ شپنگ کرسکتے ہیں ۔

دیکھیں کام کرنے کیلئے ہمت ، جوش جذبہ ہونا چاہیے انویسٹمنٹ ضروری نہیں ہے اللہ کا نام لیں اور ہمت کرکے آج سے ہی ایمازون کے بارے میں یوٹیوب سے فری میں سیکھنا شروع کریں ۔