اکثر لوگ آن لائن کاروبار کرنے کے بارے میں انٹرنیٹ پر سرچ کر رہے ہوتے ہیں کہ آن لائن کاروبار کیسے شروع کیا جائے ، یا آن لائن کاروبار کرنے کا آسان طریقہ اور بھی مختلف طریقوں سے جیسے کہ ای کامرس بزنس کیسے شروع کریں ، آن لائن بزنس ، آن لائن تجارت شروع کرنے کا طریقہ تو اگر آپ بھی یہی سب کچھ تلاش کررہے ہیں تو آپ کو پریشان ہونے کی ضرورت نہیں ہے آج ہم آپ کو ان سب باتوں کے بارے میں تفصیل سے سمجھانے والے ہیں ۔
ای کامرس ایسا طریقہ ہے جس میں آپ اپنے گھر بیٹھے آن لائن سٹور شروع کرسکتے ہیں اور پاکستان سمیت پوری دُنیا میں اپنی پروڈکٹس آن لائن فروخت کرسکتے ہیں ۔
ای کامرس کیا ہے اس کو مزید آسان بنا کر آپ کو سمجھاتے ہیں کہ ای کامرس سے مراد گھر بیٹھے انٹرنیٹ کے ذریعے اپنا آن لائن کاروبار شروع کرنا (آن لائن تجارت) یا پھر آن لائن سٹور شروع کرنا بھی کہہ سکتے ہیں جس میں آپ ضروریات زندگی کی تمام تر اشیا کو پورے پاکستان ، یا پھر پوری دُنیا کے لوگوں کو سیل کرسکتے ہیں ۔ اس میں آپ کے پاس جگہ اور وقت کی کوئی پابندی نہیں ہے آپ کا آن لائن کاروبار 24 گھنٹے چلتا رہتا ہے اس کیلئے دن رات کی کوئی قید نہیں ہے ۔
اگر آپ ای کامرس آن لائن کاروبار شروع کرتے ہیں تو اس میں آپ کو بے شمار فائدے ملتے ہیں جیسے کہ آپ کا آن لائن کاروبار پورے پاکستان میں چلتا ہے یعنی اس میں آپ مخصوص علاقہ کی حد تک نہیں رہتے پاکستان بھر سے کوئی بھی کہیں سے بھی آپ کے آن لائن سٹور سے خرید اری کرسکتا ہے ۔
آپ کا آن لائن ای کامرس بزنس 24 گھنٹے چلتا رہتا ہے ۔
آن لائن ای کامرس کاروبار کرنے کے فائدوں میں سے سب سے بڑا فائدہ یہ بھی ہے کہ آپ کو کاروبار کرنے کیلئے الگ سے جگہ لینے کی ضرورت نہیں پڑتی ، آپ کے یوٹیلٹی بلز بچ جاتے ہیں ، آپ کے آنے جانے کا خرچہ بچ جاتا ہے ، آپ کو سٹاف رکھنے کی ضرورت نہیں پڑتی اُن کی تنخواہ کے پیسے بچ جاتے ہیں ۔
ای کامرس کاروبار آپ گھر سے بیٹھے اکیلے ہی شروع کرسکتے ہیں اور پورے پاکستان میں اپنی اشیا کو فروخت کر کے گھر بیٹھے آن لائن ارننگ کرسکتے ہیں ۔
اگر آپ ای کامرس کاروبار شروع کرنا چاہتے ہیں اور گھر بیٹھے آن لائن ارننگ کرنا چاہتے ہیں تو سب سے پہلے تو آپ کو یہ جاننا ہوگا کہ کونسی پروڈکٹس آن لائن زیادہ فروخت ہورہی ہیں اور ایسی کونسی پروڈکٹس ہیں جن کی آن لائن مارکیٹ میں زیادہ ڈیمانڈ ہے اس عمل کو بولتے ہیں پروڈکٹ ریسرچ یا پروڈکٹ ہنٹ کرنا یعنی کہ ایسی پروڈکٹس تلاش کرنا جن کی مارکیٹ میں ڈیمانڈ بھی ہو اور ان سے اچھا پرافٹ مارجن بھی ملتا ہو ای کامرس کاروبار میں کامیابی کا سب سے پہلا اور انتہائی انتہائی پہلا اور خاص حصہ پروڈکٹ ریسرچ ہی ہوتا ہے کیونکہ اگر آپ نے اچھی اور زیادہ سیل ہونے والی پروڈکٹ تلاش کرلی تو آپ اپنے ای کامرس آن لائن کاروبار میں کامیاب ہو جائیں گے ۔
ای کامرس آن لائن کاروبار سٹور بنانے کیلئے ضروری نہیں ہے کہ آپ کے پاس لاکھوں روپے کا سرمایہ ہونا چاہیے آپ کم سے کم سرمایہ کاری سے بھی اپنا آن لائن کاروبار شروع کرسکتے ہیں مثال کے طور پر آپ آن لائن کاروبار 10 ہزار روپے سے لے کر 50 ہزار روپے یا پھر 1 لاکھ روپے تک شروع کرسکتے ہیں جتنی آپ کے پاس گنجائش ہے آپ اتنے سے کام کا آغاز لے لیں بعد میں آپ اپنے کاروبار کو مزید بڑھانے کیلئے مزید سرمایہ کاری کرتے رہنا ۔
بس سوچیں مت کہ لاکھوں روپے ہونگے تب ہی آن لائن کاروبار شروع کریں گے 5 ہزار یا 10 ہزار 15 ہزار جتنے بھی آپ کے پاس اس وقت موجود ہیں اُنہیں پیسوں سے اپنا کام شروع کردیں اللہ آپ لوگوں کو ضرور کامیاب کرے گا۔
دیکھیں اس میں کوئی اہم یا مخصوص پروڈکٹس نہیں ہیں کہ یہی سیل ہوتی ہیں ای کامرس آن لائن کاروبار میں آپ کے سامنے کوئی پابندی نہیں ہے آپ ہر طرح کی پروڈکٹس سیل کرسکتے ہیں فیشن سے متعلقہ ، صحت کے متعلقہ ، کپڑے ، جوتے ، جیولری ، عینکیں ، گھڑیاں ، کچن کا سامان ، فرنیچر ، پھل اور سبزیاں ، کتابیں اسٹیشنری ، گروسری کا سامان ، اور ضروریات زندگی میں استعمال ہونے والی تمام تر اشیا کو ہم آن لائن سیل کرسکتے ہیں ۔
پروڈکٹ ریسرچ کرنے کے بے شمار پریکٹیکل طریقے آپ کو یوٹیوب سے مل جائیں گے آپ وہاں پر سرچ کرکے سیکھ سکتے ہیں ۔
پروڈکٹ ریسرچ کیلئے آپ پاکستان کی سب سے بڑی ای کامرس ویب سائٹ دراز کو وزٹ کرسکتے ہیں وہاں سے جاکر آئیڈیاز لے سکتے ہیں وہاں پر آپ کو ہر طرح کی پروڈکٹ کی خریدوفروخت ہوتی ہوئی دیکھائی دے گی وہاں سے آپ آئیڈیا لے سکتے ہیں۔
پروڈکٹس کی سیلیکشن کرتے وقت اس بات کا خاص خیال رکھیں کہ پروڈکٹ شیشے کی یا ٹوٹنے وغیرہ والی نہ ہی ہوتو اچھا ہے اور ایسی پروڈکٹ سلیکٹ کریں جس کی قیمت خرید کم ہو اور پرافٹ اس میں اچھا مل سکے ۔
آن لائن کاروبار شروع کرنے کا آسان طریقہ یہی ہے کہ آپ سب سے پہلے فیس بک پیج بنا کر اپنا آن لائن سٹور شروع کریں وہاں پر اپنی پروڈکٹ کی تصاویر لے کر اپنے فیس بک پیج پر پوسٹ کریں اور تھوڑے سے پیسے لگا کر آپ اپنی اس پوسٹ کو پیڈ بوسٹ کروا کر ہزاروں لوگوں تک اپنی پروڈکٹ کو فیس بک پر دیکھائیں ۔
اگر آپ اپنے آن لائن سٹور کیلئے ویب سائٹ بنانے کا سوچ رہے ہیں تو ابھی فلحال کیلئے میں آپ کو یہی مشورہ دونگا کہ آپ شروع فیس بک پیج سے کریں کیونکہ ویب سائٹ بنانے کیلئے آپ کے پاس ڈومین اور ویب ہوسٹنگ کیلئے انویسٹمنٹ ہونا ضروری ہے جو کہ لگ بھگ آپ کے تقریباً 10 ہزار روپے سے لے کر 15 ہزار روپے سالانہ لاگت آئے گی اور اگر آپ کو خود ویب سائٹ بنانا نہیں آتی تو پھر ویب ڈویلپمنٹ کے چارجز الگ سے ہونگے جو کہ کم سے کم بھی25 ہزار سے 30 ہزار روپے لاگت ہوسکتی ہے یا پھر اس سے بھی زیادہ ہوسکتی ہے اس لئے ہم آپ کو شروع میں یہی مشورہ دیں گے کہ آپ بغیر انویسٹمنٹ کے فیس بک پر پیج بنائیں اور وہاں سے اپنا ای کامرس کاروبار شروع کریں اور جو پیسے آپ نے ویب سائٹ بنانے پر خرچ کرنے ہیں وہی پیسے آپ فیس بک پر پیڈ ایڈ چلانے پر لگا لیں اور کسٹمرز حاصل کرلیں جب آپ کا کام فیس بک پر چل جائے اور کسٹمرز کی تعداد بڑھتی جائے اور اُن کو مینول طریقے سے مینج کرنا مشکل ہوجائے تب جاکر آپ اپنا ای کامرس آن لائن سٹور ویب سائٹ بنوا لیجئے گا ۔
مان لیں آپ نے اپنا آن لائن ای کامرس کاروبار شروع کرلیا ہے اور فیس بک کے ذریعے آپ کو آرڈرز آنا شروع ہوگئے ہیں تو اب بات آتی ہے پروڈکٹس کی کسٹمر تک ڈیلیوری کروانے کی تو اس کیلئے مختلف طریقے ہیں اگر تو کسٹمر آپ کے ہی لوکل علاقہ کا ہے تو بے شک آپ خود جاکر دے آئیں اور اگر آپ کا کسٹمر کسی دوسرے شہر کا ہے تو اس کیلئے آپ کو کورئیر سروس استعمال کرنی ہوگی جس میں آپ ٹی سی ایس ، لیپرڈ ، پاکستان پوسٹ آفس کے ذریعے پروڈکٹس کو اپنے کسٹمرز تک پہنچا سکتے ہیں ۔
اس میں بھی آگے دو طریقے ہیں ایک تو آپ اپنے کسٹمر سے ایڈوانس میں فل پے منٹ جاز کیش ، ایزی پیسہ ، یا بنک ٹرانسفر کے ذریعے منگوا لیں اور بعد میں اس کو کسی بھی کوریئر کمپنی کے ذریعے پروڈکٹ ڈیلیورکروا دیں ۔
دوسرا طریقہ کیش آن ڈیلیوری سروس ہوتی ہے یعنی کسٹمر آپ کو آرڈر کرتا ہے آپ وہ والی پروڈکٹ کسٹمر کے ایڈریس پر بھیجتے ہیں وہاں پر کورئیر والا آپ کی پروڈکٹ کی قیمت کسٹمر سے وصول کرتا ہے اور کورئیر کمپنی والے وہ رقم آپ کے ایک اکاونٹ میں جمع کرتے رہتے ہیں جو کہ آپ کو 15 دن بعد یا پھر 30 دن بعد آپ کے بنک اکاونٹ میں بھیج دی جاتی ہے ۔
اس کیلئے آپ کو کورئیر کمپنی کیساتھ سی او ڈی (یعنی کیش آن ڈیلیوری) اکاونٹ کھلوانا پڑتا ہے پھر جاکر آپ اس سروس کا فائدہ اُٹھا سکتے ہیں ۔