ویب ڈیسک
ڈیلی دھرتی (ویب ڈیسک) تفصیلات کے مطابق بھارت سے آئی انجو پر قسمت مہربان ہو گئی ،پاکستان آنے والی انجو (فاطمہ) کو 10 مرلے کے پلاٹ جبکہ 50 ہزار کے دیگر تحائف سے نواز دیا گیا۔
نئے جوڑے کو دیے گئے تحائف کی ویڈیوز سوشل میڈیا پر گردش کر رہی ہیں جن میں دیکھا جا سکتا ہے کہ پاکستانی بزنس مین رئیل اسٹیٹ کمپنی کے سی ای اومحسن خان عباسی کی جانب سے انجو (فاطمہ)کو 10 مرلہ پلاٹ کے کاغذات جبکہ دیگر تحائف پیش کر رہے ہیں۔
اس موقع پر محسن خان عباسی نے کہا ہے کہ انجو بھارت چھوڑ کر آئی ہیں، تحائف پیش کرنے کا مقصد انکا پاکستان میں بھرپور طریقے سےویلکم کرنا ہے۔
انہوں نے کہا کہ انجو (فاطمہ) بھارت چھوڑ کر پاکستان آئی اور اسلام قبول کر کی شادی کی ہے،یہ تحائف اس کے استقبال اور مبارکباد کیلئے ہیں۔
محسن عباسی کا کہنا تھا کہ جب کوئی ایک جگہ سے دوسری جگہ شفٹ ہوتا ہے تو سب سے بڑا مسئلہ رہائش کا بنتا ہے ہمارا پروجیکٹ بھی چل رہا تھا اس لیے انہیں پلاٹ تحفے میں دیا تاکہ انہیں بے گھر ہونے کا احساس نہ رہے ۔
انہوں نے کہا ہے کہ یہ تحائف انجو کے استقبال کے لیے ہیں،ان کا یہاں آنا اسلام قبول کر کے شادی کرنا ہمارے لیے خوشی کا باعث ہے،تحفے تحائف ان کی تعریف میں ہمارے طرف سے سے ایک چھوٹی سی کوشش ہے
