ویب ڈیسک
ڈیلی دھرتی (ویب ڈیسک) تفصیلات کے مطابق کلرکہار میں سالٹ رینج کے مقام پر باراتیوں کو اسلام آباد سے لاہور لے جانے والی بس کار سے ٹکرا کر الٹ گئی ۔ حادثے میں 3 خواتین سمیت14باراتی جاں بحق جبکہ50سے زائد زخمی ہوگئے
ابتدائی اطلاعات کے مطابق اسلام آباد سے لاہور جانے والی مسافر بس ٹائر پھٹنے اور بریک فیل ہونے کی وجہ سے حفاظتی دیوار توڑتی ہوئی مخالف سمت سے آنے والی دو کاروں اور ایک سوزوکی پک اپ سے ٹکرا گئی جس کے نتیجے میں گاڑیاں نزدیکی کھائی میں جا گریں
موٹروے پولیس کا کہنا ہے کہ بس کو کاٹ کر جاں بحق افراد اور زخمیوں کو نکالا گیا۔ حادثے کا شکار بس اسلام آباد سے لاہور جا رہی تھی بس میں باراتی سوار تھے۔
ڈی آئی جی موٹروے محمد یوسف نے جائے حادثہ پر موجود رہ کر ریسکیو آپریشن کی نگرانی کی تاہم اندھیرا ہونے کے باعث امدادی سرگرمیوں میں دشواری کا سامنا کرنا پڑا۔
موٹروے پولیس اوردیگر ریسکیو ایجنسیوں نے ریسکیو آپریشن مکمل کر لیا ہے،
ذرائع کا کہنا ہے ابتدائی تفتیش کے مطابق حادثہ ڈرائیور کی غفلت لاپرواہی کی وجہ سے پیش آیا جبکہ مزید قانونی کاروائی جاری ہے۔
