ڈیلی دھرتی (ویب ڈیسک) تفصیلات کے مطابق پاکستان تحریک انصاف نے انتخابات کی تاریخ کے اعلان سے بچنے کے معاملے پر گورنر خیبرپختونخوا حاجی غلام علی کے خلاف توہین عدالت کی درخواست دائر کر دی ہے۔
تحریک انصاف کے وکلا نے گورنر کے خلاف توہین عدالت کی درخواست تیار کر لی، سابق سپیکر قومی اسمبلی اسد قیصر، تیمور سلیم جھگڑا اور شوکت یوسفزئی کی قانونی ٹیم درخواست سپریم کورٹ میں دائر کرے گی۔
خیال رہے کہ 3 روز قبل گورنر خیبرپختونخوا نے صوبائی اسمبلی کے انتخابات کے لیے جو تاریخ طے کی تھی اس پر یو ٹرن لے لیا تھا۔
گورنر خیبرپختونخوا حاجی غلام غلی کی جانب سے الیکشن کمیشن کو لکھے گئے خط میں کہا گیا ہے کہ صوبے میں دہشت گردوں کی مضبوط موجودگی ہے۔ ملک کی معاشی حالت ٹھیک نہ ہوئی تو پھر بھی مردم شماری اور حلقہ بندیاں ہوں گی۔
خط میں یہ بھی کہا گیا ہے کہ ایک بار جب یہ چیلنجز حل ہو جائیں تو تمام اسٹیک ہولڈرز کی مشاورت سے رائے شماری کی تاریخ طے کی جائے۔
یاد رہے کہ گورنر خیبرپختونخوا غلام علی جنہوں نے 4 روز قبل صوبائی اسمبلی کے عام انتخابات کا زبانی اعلان کیا تھا، آج تحریری طور پر اس سے دستبردار ہو گئے تھے