ویب ڈیسک
معروف فیشن ڈیزائنر ماریہ بی اپنے بچوں کی تربیت کو لے کر کافی حساس واقعہ ہو ئی ہیں ، اسی حوالے سے گزشتہ روز انہوں نے انسٹا گرام پر ایک سٹوری شیئر کی ہے ۔ جس کے مطابق انٹرنیشنل اسکول آف لاہور (آئی ایس ایل) نے مہرب معز اعوان کو ’ٹیڈ ٹاک‘ شو میں بطور مہمان مدعو کرنے کا فیصلہ واپس لے لیا۔ ماریہ بی نے کہا کہ ان کے بچے بھی مذکورہ اسکول میں پڑھتے ہیں اور وہ بطور والدہ کبھی نہیں چاہیں گی کہ غلط لوگ ان کے بچوں کے سامنے خطاب کریں۔
معروف فیشن ڈیزائنر کا کہنا تھا کہ انہوں نے ایک بار مہرب معز اعوان کی انسٹاگرام پر پانچ منٹ تک ویڈیو دیکھی، جس میں انہوں نے انتہائی بیہودہ گفتگو کی اور شراب نوشی سمیت دیگر ممنوعہ چیزوں کی تشہیر کی۔
فیشن ڈیزائنر نے مزید لکھا کہ اب ان جیسے لوگ ہمارے بچوں کے لیے رول ماڈل بنیں گے اور وہ ان کے سامنے آکر تقریریں کریں گے؟ ساتھ ہی انہوں نے سوال اٹھایا کہ مہرب معز اعوان کے پاس کس طرح کا اعزاز ہے، انہیں کس ادارے نے کون سا ایوارڈ دے رکھا ہے؟
ماریہ بی نے ٹرانس جینڈر کے عورت ہونے کے دعوے کو بھی مسترد کردیا۔ کہا مہراب معز اعوان اصل میں مرد ہے ۔ مذکورہ شخص نے خود کو مرد ہونے کے باوجود سوشل میڈیا پر خاتون بنا کر رکھا ہوا ہے اور ہمارے بچوں کے لیے صنفی مسائل اور فرق کو سمجھنا بہت ضروری ہے
انہیں خواجہ سرا یا مخنث افراد میں شامل کرنا دھوکہ ہوگا
